መገለጫ

እኔ የአካዳሚክ እውቀትን ከፈጠራ ጥበብ ጋር በማቀናጀት ለውበት አዲስ ትርጉም የምሰጥ የሜካፕ ባለሙያ ነኝ። በአሁኑ ወቅት በቅድስት ማርያም ዩኒቨርሲቲ በኮምፒውተር ሳይንስ የዲግሪ ትምህርቴን በማጠናቀቅ ላይ የምገኝ ሲሆን፣ በተመሳሳይ በከተማችን በግንባር ቀደምነት ከሚጠቀሰው አይ.ኤም.ኤስ (IMS) የሜካፕ ትምህርት ቤት በመደበኛ ስልጠና ክህሎቴን አዳብሬያለሁ። ወደ ሜካፕ ጥበብ የገባሁት ገና በልጅነቴ እናቴ ቅንድቧን ስትቀዳ በመመልከት ሲሆን፣ በዘጠነኛ ክፍል ተማሪ ሳለሁ የተለያዩ አፖችን በመጠቀም ፎቶዎችን የማስተካከልና ቅንድብ የማውጣት ዝንባሌዬ ለዚህ ጥበብ ፍቅር እንዲያድረኝ አድርጎኛል። ከኮሌጅ ቆይታዬ በኋላ የወሰድኩት የፕሮፌሽናል ሜካፕ ስልጠና ለዛሬው የሥራ ስኬቴ መሠረት ሆኖኛል። ባለፉት ሁለት ዓመታት በዘርፉ በነበረኝ ቆይታ ለሰርግና ለተለያዩ ልዩ ዝግጅቶች አገልግሎት ከመስጠት ባለፈ፣ ከሄላዝ ቢውቲ (Helaz Beauty) ጋር በመተባበር በፋሽን ትዕይንቶች፣ ከሴልፌከር (Selfeker) ፖድካስት የዝግጅት ቡድን ጋር እንዲሁም በተለያዩ የፊልም ፕሮጀክቶች ላይ በባለሙያነት ተሳትፌያለሁ። ለእኔ የሜካፕ ሙያ ማለት ሰዎች የተፈጥሮ ውበታቸውን ጠብቀው ወይም ሙሉ ለሙሉ ተቀይረው በራሳቸው እንዲተማመኑ ማድረግ ነው፤ ደንበኞቼ በሥራዬ ተደስተውና ማንነታቸውን በልበ ሙሉነት ገልጸው ሲወጡ ማየት ትልቅ ደስታ ይሰጠኛል። በመሆኑም መሰረታዊ እውቀትን ለምትፈልጉ ጀማሪዎችም ሆነ ክህሎታችሁን ማሳደግ ለምትፈልጉ ባለሙያዎች፣ ከጥሬ እውቀት እስከ ረቂቅ ጥበቦች ድረስ ለማካፈል ዝግጁ ስሆን፣ እያንዳንዱን አገልግሎት የደንበኞቼን ፍላጎትና ምርጫ ባገናዘበ መልኩ በከፍተኛ ጥራት አቀርባለሁ።

እውቂያ

ማህበራዊ ሚዲያ